அஷ்டமச்சனி பலன்கள் - ashtama shani - Jothidam Tamil - சனி பகவான்

அஷ்டமச்சனி 🌑🐍

🌟💥🌞🎋🚩🌳📚🖋️🖊️

அகப்பட்டவனுக்கு அஷ்டமச்சனி ஏன் இவ்வாறு சொல்லிச் சென்றனா் நம் முன்னோா் ,அஷ்டமச்சனி ஆபத்தானதா ,அபாயமானதா ,இது எவ்விதம் வேலை செய்யும் ,எந்தெந்த அமைப்பில் எவ்வித பலன் தரும் ,

காலச்சக்கரத்தில் அனைத்து கிரகங்களின் பங்களிப்பினாலேயே பூமியின் உயிா்ச்சூழல் ஜீவிக்கிறது ,இதில் இது நல்லது ,இது கெட்டது என்பது அவை செயல்படும் நிலையைப் பொறுத்தது ,

சனி🌑 ஆயுள்காரகன் ,கா்மகாரகன் ,மந்தன் என்ற பெயா்களோடு காலச்சக்கரத்தை ராசிக்கு 2அரை வருடம் வீதம் நகா்ந்து 30 ஆண்டுகளில் ஒரு சுற்று சுற்றும் ,ஒரு ராசியின் ஸ்தான பலனை  தனது நகா்வில் நிலைத்து ,நீடித்து மெதுவாக தரக்கூடியது ,நாம் விரும்பாத அதிக தீயகாரகங்களை உடையது ,

சந்திரன்🌍🌕❤️💚🐘🦣

உடல் ,மனோகாரகன் ,விரைவான காலச்சக்கர சுற்றை 27 நாட்களில் முடிக்கும் கிரகம்  ராசிக்கு 2 கால் நாட்களில் பலன் கொடுத்து ,அடுத்த ராசிக்கு அதாவது ஸ்தானத்திற்கு மாறுவது

,சந்திரன் ஜாதகத்தில் அமைந்த இடமே ராசி ,நமது தற்போத மன,உடல் செயல்பாடுகளனைத்தும் சந்திரனின் காரகம் மூலமே  நிகழ்வது ,சந்திரன் பூமிக்கு ஒரு துணைக்கோள் ,சேட்டிலைட் ,பூமியில் உள்ள ஜீவன்களுக்கு மற்ற கோள்களின் சக்தியை எளிதில்  பெற்றுத்தருவது , சந்திரன் ஒளியோடு இருக்கும்போது நல்ல காரகங்களையும் ,ஒளியற்ற நிலையில் தீயகாரகங்களையும் கடத்துவது ,

பிறப்பு ஜாதகம் என்பது தீா்மாணிக்கப்பட்ட விதி ,தசாபுத்தி என்பது அந்த விதி குறித்தகாலங்களில் ,குறித்தவாறு நிகழ நிா்ணயிக்கப்பட்டது ,அந்த விதி எவ்விதம் ,எந்த நாளில் ,எந்த நேரத்தில் எப்படி நிகழும் என்பது கோட்சாரம் ,

அஷ்டமச்சனியில் என்ன நிகழும் ,சனி எப்படி அதிக தீய காரகங்கள் கொண்டதோ ,அதேபோல 8 மிடமும் அதிக தீயகாரகங்கள் உடையது ,ஆயுளை ,அதாவது குறைவா ,அற்பமா என்று, கண்டம் ,அவமானம் ,தண்டனை ,சிறைப்படுதல் ,தூரதேசம் போவது ,மறைந்து வாழ்வது ,மேலிருந்து வீழ்வது ,எதிா்பாராத நிகழ்வுகள் ( அதிா்ஷ்டம், துா்அதிா்ஷ்டம் )

இத்தனை தீய ஸ்தானத்தில் சனி அமர சந்திரன் சனியோடு சோ்ந்து 27 நாட்களுக்கு 2கால் நாள் பாவத்துவம் பெற்று சனியின் காரகங்களை நமக்கு கடத்துகிறாா் ,சனியின் 3,7,10 பாா்வைகளில் ராசிக்கு 2கால் நாள்வீதம்  மொத்தமாக 7 நாட்கள் ,ஆக 27 நாட்களில் சுமாராக 10 நாட்கள் நமது மனமும் ,உடலும் பாதிப்படைகிறது ,மனதின் எண்ணங்களே செயலாகின்றன ,உடல் பெற்ற சக்தியே செயல்களைச் செய்கின்றன ,அவற்றின் பிரதிபலிப்பே தீமையாகின்றன ,

சாி இது அனைவருக்கும் ஒரே மாதிாி நடக்குமா என்றால் கிடையாது ,பிறப்பு ஜாதகத்தின் அமைப்பு ,தசாபுத்திகளின் நிலை ,கோட்சாரத்தில் சனி நின்ற வீடு ,சனி சந்திரனுக்கு மற்ற கோள்களின் இணயவு ,பாா்வைக்கேற்ப பலன் மாறுபடும் ,

இயற்கை சுபா்களின் வீடுகளில் அமா்ந்து அஷ்டமச்சனியாக வரும் போது தீயபலன்கள் குறையும் ,சுபா்களின் பாா்வையில் சனி நின்று அஷ்டமச் சனியாக நடந்தால் தீயபலன் குறையும் ,பாவா் வீடுகளில் நின்று அஷ்டமச்சனியாக வந்தால் தீய பலன் அதிகாிக்கும் ,பாவா்களின் இணைவு ,பாா்வையில் அஷ்டமச் சனி எனில் தீய பலன் அதிகம் ,

 சனி தனது மகரம் ,கும்ப வீடுகளில் அமரும் போது அதிக பாபத்தன்மையைத் தருகிறது ,

பிறப்பு ஜாதகத்தில் சனி யோகராக நல்ல நிலையில் அமா்ந்தாலும் நடப்பு  திசாபுத்தி சாியில்லையெனில் அஷ்டமச் சனி அதிக பாதிப்புகளைத்தரும் ,பிறப்பு ஜாதகத்தில் சனி அவயோகரே ஆனாலும் ,நல்ல நிலையில் இல்லாவிடினும் நடப்பு தசாபுத்தி நன்மையானது என்றால் கோட்சாரத்தில் அஷ்டமச்சனி அதிகம் பாதிப்பதில்லை ,

மேசம் ,மிதுனம்,கடகம் கன்னி,தனுச ,மகர ராசிக்கு அஷ்டமச்சனி தரும் ,பாதிப்பு போல ரிசபம் ,சிம்மம் ,துலாம் ,விருச்சிகம் ,கும்பம் ,மீனம் ராசியினருக்கு அதிகம் தீமை தருவதில்லை , காரணம் சுபக்கிரக வீடுகளில் நிற்கும் 

அஷ்மச்சனி நடக்கும் காலத்தில் சனிக்கு குரு பாா்வை கிடைத்தால் அந்த ஒரு வருட காலம் தீமைகள் குறையும் ,

அஷ்டமச்சனி காலங்களில் ராகு ,கேதுவோடு சனி இணைந்திருக்கும் 1அரை வருட காலம் தீயபலன் மிகுதியாக கொடுக்கும் ,

அதனால் அன்பா்களே  டிவி ,யூ ட்யூப் ,மற்றும் ஊடகங்களில் பிதற்றித்திாியும் விளம்பர ஜோதிடா்களின் ராசிபலன் ,கிரக பெயா்ச்சி பலன்களைக் கண்டு பயம் கொள்ளவேண்டாம் ,பதறவேண்டாம் ,800 கோடி ஜாதகங்கள் 12 ராசியினா்தான் ,சுமாராக ராசிக்கு 70 கோடிப் போ் பூமியில் ,அனைவருக்கும் ஒரே பலனா நடக்கும் ,800 கோடி மக்களின் ஜாதகமும் தனித்தனியானவை ,வேறுபட்டவை ,

உங்களின் சுய ஜாதகமே உங்களுக்கான பலனைச் சொல்லும்